Agjencia Kombëtare e Krimit (NCA) në Britani bëri me dije se një sistem i fshehtë komunikimi i përdorur nga kriminelët për të tregtuar drogë dhe armë është “zbuluar me sukses”.
NCA punoi me forca në të gjithë Evropën në operacionin “më të madh dhe më domethënës” të zbatimit të ligjit në Mbretërinë e Bashkuar.
749 arrestime u kryen në mbarë Evropën pasi mesazhet në “EncroChat” u përgjuan dhe deshifruan.
Raportohet se më shumë se dy ton drogë, disa duzina me armë dhe 54 milionë paund kesh janë sekuestruar.
