Mëngjesin e sotëm, Policia e Shkodrës ka arrestuar shtetasin Emran Shaba me akuzën se ka “penguar zgjedhjet”.
Ndalimi i Shabajt është bërë në Njësinë Administrative Postribë, Shkodër ku edhe ky shtetas ka tentuar të pengojë procesin e votimit.
Ndërkohë, mësohet se janë shpallur në kërkim edhe persona të tjerë, të cilët dyshohen se kanë djegur materialet zgjedhore në fshatin Prekal.
Në videon e siguruar nga BalkanWeb, mund të shihet momenti kur policia arreston shtetasin Emran Shaba.
