Ish-diplomatja Pranvera Skana i ka dalë në mbrojtje ministres Etilda Gjonaj, pasi iu publikuan faturat e kripura të udhëtimeve luksoze. Skana e cila ka punuar gjatë në Londër, dhe njeh mirë mënyrën se si funksionojnë delegacionet, ka bërë një reagim mbi një faturë dy ditore të stafit të Ministrisë së Drejtësise në Itali, e cila po trajtohet si skandal.
Me anë të një statusi në Facebook, ish-diplomatja i kërkon ministres që të mos kompleksohet, pasi është normale që të qëndrojë në një hotel dinjitoz. Madje, ajo këtë fakt e ka argumentuar. Ndër të tjera, Skana i kujton se ky është një standart sigurie, dhe se çdo politikan meriton një përfaqësim dinjitoz në vendin pritës.
Statusi
Etilda mos u komplekso! …. Eshte krejt normale që të qendrosh në një hotel dinjitoz…. E jo te akomodohesh në skutliqet e botes!
Së pari ky është një standart sigurie, që ta kërkon edhe shteti pritës.
Së dyti për arsye kohore, axhenda e një ministri është intensive dhe askush nuk mund të akomodohet në një HOTEL në periferi në një zonë të 6 të Londrës qe merr dy orë me tren për të mbërritur në qendër aty ku janë të vendosura institucionet për takimet, me dhe pa trafikun e çmendur të këtyre metropoleve.
Se treti çdo politikan edhe ai shqiptar meriton një përfaqësim dinjitoz në vendin pritës e jo te endet neper skutliqe.
Së katërti, mbrojta publike që ju bëtë ishte shumë e dobët, ose më saktë këshilltarët tuaj të komunikimit ishin të dobët.
Së pesti, je një ministre që përfaqëson shumë mirë Shqipërinë jashtë dhe kjo ka më shumë rëndësi, për këtë I referohem vizitës tuaj të fundit në Londër në kohën që unë punoja atje.
