Siç edhe është paralajmëruar, nga data 28 shkurt deri me datë 2 mars pritet të organizohet Samitit I Dytë i Diasporës ku sipas organizatorëve ky Samit do të mundësojë një hapësirë diskutimi për çështje të ndryshme të politikëbërjes së shtetit shqiptar, përfshirë qasjen e re të bashkëpunimit me Diasporën.
Ndërkohë që gjatë ditës së sotme, kryeministri Rama bashkë me Ministrin e Diasporës Pandeli Majkon kanë vizituar punimet në një prej ambienteve ku do të mbahet ky samit.
Në një video të postuar në rrjetet sociale, teksa ishin në fundin e inspektimeve, koordinatorja e punimeve i komunikon Ramës se “1/4 e buxhetit do t’i kthehet buxhetit të shtetit”, nga ky organizim që është bërë.
Nga ana tjetër, Rama nuk i ka kursyer batutat duke ju drejtuar koordinatores dhe Majkos: Po normal se ti nga Gjirokastra ky nga Korça…
Më tej kryeministri ka shtuar duke iu drejtuar Majkos: “Dhe më e bukura është se fondet i menaxhon ky, për vjedhje na akuzojnë ne”.
Ndërkohë Majko ndalon dhe duke qeshur i thotë, “Edhe këtë e the”, ndërsa më pas ata i japin dorën njëri-tjetrit dhe janë larguar.
