Ndonëse temperaturat janë tejet të ulta, një 63-vjeçar nuk e ndal ritualin e tij për tu larë në det. Ai udhëton nga Fieri drejt Vlorës, aty ku dhe lahet pavarësisht temperaturave tejet të ulta.
Kjo se ndal aspak, madje ai thotë se gëzon shëndet të mirë. 63-vjeçari Kastriot Tajari rrëfen se që kur ka qenë i vogël lahet në det pavarësisht nëse është dimër apo verë.
“Unë quhem Kastriot Tajari. Ndihem shumë mirë. Nuk vij këtu se janë të ulta apo të larta, thjesht bej atë ritualin. Çdo të shtunë e të dielë vij e lahem rregullisht në Vlorë”.
Kastrioti thotë se e ka provuar të lahet edhe në temperatura edhe më të ulëta se sa ato të detit të Vlorës.
“Në Pogradec jam larë më -16 dhe -12 gradë“. Për të qenë të shëndetshëm, ai ka një këshillë për të rinjtë sot. Çelësi i suksesit qëndron tek shmangia e duhanit, dhe angazhimi sa më shumë me sport thotë ai për “Ora News”.
“Ti përkushtohen më shumë sportit, se sporti është jetë, është frymëmarrje edhe të shmangin cigaren”, deklaron ai.
