Ministri i Jashtëm i Italisë, Luigi Di Maio ka reaguar pas nisjes së 60 infermierëve shqiptarë drejt vendit fqinj.
Përmes një postimi në Twitter, Di Maio falënderon kryeministrin Edi Rama duke thënë se kjo është një dhuratë tjetër që vjen nga miqtë shqiptarë.
Kujtojmë se pak më parë, ministrja e Shëndetësisë, Ogerta Manastirliu publikoi një video nga aeroporti i Rinasit, ku ndodhej për të përcjellë infermierët.
Ky është grupi i dytë i infermierëve shqiptarë që nisen drejt Italisë për të ndihmuar në luftën me koronavirusin.
“Sot do të mbërrijë në Itali një grup i kujdesit shëndetësor prej 60 infermierësh për të mbështetur spitalet tona. Një ndihmë konkrete, një tjetër dhuratë që na vjen nga miqtë tanë shqiptarë.
Faleminderit @ediramaal për afërsinë dhe mbështetjen për Italinë. ????”, shkruan Di Maio në postimin e tij.
Oggi arriverà in Italia una task force sanitaria di 60 infermieri per dare sostegno ai nostri ospedali. Un aiuto concreto, un altro dono che ci arriva dai nostri amici albanesi.
Grazie @ediramaal per la vicinanza e il sostegno all’Italia.— Luigi Di Maio (@luigidimaio) April 20, 2020
