Ministrja e Shëndetësisë, Ogerta Manastirliu ka bërë me dije se 6 pacientë të tjerë janë shëruar nga koronavirusi dhe kanë lënë sot spitalin infektiv.
Përmes një postimi në Facebook, Manastirliu thekson se deri më tani 31 pacientë janë shëruar nga virusi Covid-19.
Pacientët e shëruar do të duhet të qëndrojnë të izoluar edhe për 14 ditë të tjera.
“Lajm i mirë?? Gjashtë pacientë kanë lënë sot spitalin infektiv të #shëruar nga #COVID-19 ? Deri tani 3️⃣1️⃣ qytetarë e kanë fituar betejën me sëmundjen e vështirë?? #FORCA ekipit të mjekëve të #Infektivit #BashkëJaDalim”, shkruan Manastirliu.
Kujtojmë se deri më tani në Shqipëri janë shënuar 186 raste infektimi me koronavirus, ndërsa 8 prej pacientëve kanë ndërruar jetë.
