Ministria e Shëndetësisë ka njoftuar se janë konfirmuar edhe 4 raste të reja me koronavirus në Shqipëri gjatë 24 orëve të fundit.
Kjo e çon totalin e rasteve të konfimuara në 59, ndërsa 2 prej tyre kanë ndërruar jetë dhe 1 është drejt shërimit.
Ministria e Shëndetësisë bëri të ditur se në 24 orët e fundit janë testuar 60 persona të dyshuar. Prej tyre kanë rezultuar pozitivë 4 raste, 3 raste kontakti dhe 1 rast i ri.
Më herët, ministria njoftoi se një 66-vjeçar nga Lushnja humbi jetën si pasojë e COVID-19. Ai ishte i shtruar prej disa ditësh në Spitalin Infektiv dhe gjendja e tij ishte shumë e rëndë.
66-vjeçari bëhet viktima e dytë nga koronavirusi, pas gruas 73-vjeçare që humbi jetën në Durrës.
