Kreu i Institutit të Studimeve të Pasojave të Komunizmit, Agron Tufa ka folur sërish rreth akuzave të ngritura ndaj ish-deputetit socialist, Spartak Brahos.
I ftuar në “A show”, Tufa thotë se Braho tregon vetëm gënjeshtra dhe se e tremb e vërteta e të shkuarës, teksa shton se deputeti “gjendet mes hipotekës së tij të dashur me kufoma shqiptarësh”.
“Një ligjërim anormal nga një njeri me shëndet mendor të diskutueshëm. Është krejtësisht e kotë të debatosh me një njeri që pa i ndërprerë i rrotullohet në kokë i njëjti disk që është enverizmi. Ai dëgjon diskun në kokë. Deputeti Braho ka dënuar njerëz me pushkatim. Dënime politike, dënime minorenësh. Ai gjendet mes hipotekës së tij të dashur me kufoma shqiptarët. Agron Tufa nuk mund të jetë vrasës. Ai u thotë të vërteta që i fut në krizë”, deklaroi ai.
Më tej, Tufa u shpreh se vetëm në Policinë e Shtetit punojnë mbi 500 ish-sigurimsa, ndërsa thotë se Shqipëria nuk mund të hyjë në BE me qindra ish-sigurimsa në institucione.
“519 ish-sigurisma janë vetëm në Policinë e Shtetit. Pavarësisht se ata refuzojnë që përgjigjen, ka institucione të tjera në varësi të Kryeministrit që kanë informuar. Unë kërkoj diplomën e arsimit të lartë që kanë mbaruar shkollën e lartë të MPB, profili “Sigurim”. Ata që kanë mbaruar këtë shkollë, nuk kanë punuar në artistike.
Ne nuk mund të hymë në BE me një radhë të madhe prej qindra e qindra ish-sigurimsash në institucione që një pjesë kanë bërë krime”, tha Tufa.
