Rama ka mbledhur për herë të katërt qeverinë. Kryeministri konfirmoi se kërkimet kanë përfunduar në zonën e Durrësit. Aktualisht nëpër spitale marrin ndihmë 41 persona, nga këta 34 në spitalin e Durrësit, 3 ndodhen jashtë vendit për ndërhyrje të specializuar. Po kështu, ai shtoi se Ministria e Shëndetësisë ka gati transferimet në klinikat e huaja, nëse mjekët thonë që kanë nevojë.
“Numri i qytetarëve që janë ndarë nga jeta ka mbërritur në 50. Operacionet e shpëtim-kërkimit kanë përfunduar. Dua t’ju shpreh mirënjohje të gjithë atyre që dhanë ndihmë. Një ndihmë edhe nga partnerët që dhanë ndihmë me ekipet e tyre të kërkim-shpëtimit. Trupat tona meritojnë vlerësimin më të lartë.
Këtë e them jo thjesht për t’u dhënë një përgjigje atyre që përpiqen të thonë; që po të mos ishin trupat e huaja, ne nuk do të kishim arritur të shpëtonim askënd. Por ne duhet të jemi krenar për trupat tona. Deri sa erdhën të huajt, numëroheshin 38 të shpëtuar. Në 10 operacione pasuese, trupat e huaja kanë qenë një ndihmë, por 38 persona janë shpëtuar nga trupat tanë.
Në spitale marrin ndihmë 41 persona, nga këta 34 në spitalin e Durrësut. 3 ndodhen jashtë vendit për ndërhyrje të specializuar. Ministria e Shëndetësisë ka gati transferimet në klinikat e huaja, nëse mjekët thonë që kanë nevojë”, u shpreh Rama.
