Së fundmi janë regjistruar 4 raste të reja me COVID-19 në Kosovë, duke e çuar numrin total të të infektuarve në 28.
“Nga katër rastet e konfirmuara, njëri është rast i importuar nga Gjermania, i gjinisë mashkull, 32 vjeç me vendbanim në Bibaj-Ferizaj.
Ndërsa tre rastet tjera pozitive janë raste kontakti, 2 prej tyre janë me vendbanim në Prishtinë femra të moshës 50 dhe 29-vjeçare dhe e treta me vendbanim në Gjakovë e gjinisë femër, 40-vjeçare. Të gjitha kontaktet janë të identifikuara”, thuhet në njoftimin e Institutit Kombëtar të Shëndetësisë Publike.
Bëhet me dije se nga data 08.02.2020 deri me 21.03.2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 447 mostra të dyshimta dhe në total 28 raste kanë rezultuar pozitive.
Kujtojmë se qeveria e Kosovës ka miratuar 10 milion euro për t’i bërë ballë virusit që është përhapur në shumicën e vendeve të botës.
