Një shqiptar është arrestuar në Milano, pasi iu gjetën plot 26 pako kokainë me peshë 32 kg, e cila kapte vlerën 3 milionë euro në treg.
31-vjeçari u ndalua nga policia italiane e antidrogës, teksa udhëtonte bashkë me një shtetase rumune, ndaj së cilës po ashtu është ekzekutuar urdhri i arrestimit.
Çifti udhëtonte me një automjet tip BMW X5 dhe e kishin fshehur kokainën në një vend të modifikuar të makinës së tij.
Policia italiane ka mundur të verifikojë se dy personat e ndaluar janë të skeduar për vepra penale të lidhura me trafikun e lëndës narkotike, falë kontrollit të dokumenteve. Pas kësaj, policët kanë nisur menjëherë kontrollin e plotë të automjetit. Gjithashtu, shqiptarit i janë sekuestruar dhe 1400 euro cash.
