“Çrregullim psikotik i papërcaktuar” është diagnoza nga e cila vuante Gerti Shehu, 31-vjeç, i cili goditi me grusht në fytyrë Sali Berishën.
“Report Tv” ka siguruar epikrizën shëndetësore të tij, ku evidentohet qartë diagnoza e mjekut. Ka qenë nëna e të riut që ka publikuar dokumentin.
Kryetari i Partisë Demokratike ka kërkuar që personi i cili e goditi me grusht, të lirohet nga policia. Në mbyllje të fjalës së tij në protestën e opozitës, Berisha tha se autori është vetëm “një mjeran”, teksa ka akuzuar si personin direkt kryeministrin Edi Rama.
“Le t’i themi policisë liroje fatkeqin, liroje, liroje, sepse ai është një mjeran që ka shitur veten. Autorët e vërtetë përpiqen sot ta lidhin, meqenëse ky është një samit, e vërteta e pamohueshme, liderë të krishterë ta lidhin me pista që çojnë nga Turqia apo ndonjë vend tjetër, s’kanë asgjë të përbashkët.
Ka vetëm një autor, ky është Edi Rama, ka vetëm një arkitekt, ky është Edi Rama, ky është ministri i familjes Çuçi. Atë lirojeni dhe mos shpërndani dokra se autori i vërtetë është i ulur në samit si kryekriminel i Ballkanit, Europës”, u shpreh Sali Berisha.
