Admir Murataj kishte reputacionin e një hajduti të talentuar, dhe vrasësi gjakftohtë. Gjithashtu, atë të një njeriu me shumë maska, shumë identitete dhe shumë mister.
Gazetarja Klodiana Lala tha në “Opinion” se policia e kishte shumë të vështirë, pasi veç maskës ai kishte bërë dhe ndërhyrje estetike. Ajo shtoi më tej se policia greke kishte profilin gjenetik të tij.
Murataj jetonte në Shqipëri, ku në banesën e tij kishte instaluar sistem alarmi që kushtonte 300 mijë euro. Po kështu, i ndjeri ka lëvizur mes Shqipërisë dhe Kosovës.
“Policia shqiptare ka dërguar gjurmët e gishtërinjve në Greqi. Policia greke kishte profilin gjenetik, pra më shumë informacione se policia shqiptare.
Ka patur dëmtime të forta në fytyrë, për shkak të plumbit. Jetonte në Shqipëri, 300 mijë euro sistem alarmi. Kamera të rezolucionit të lartë. Ka lëvizur mes Shqipërisë dhe Kosovës. Të gjithë na rezultojnë se këta njerëz shëtisin shumë të lirë, dhe rinë në shtëpi”, tha ajo.
