Gazetari Artan Hoxha ka folur në lidhje m ekzekutimin e ish-policit, Santiago Malko, duke u shprehur se ai është vrarë nga vrasës profesionistë, të cilët janë të paguar shumë mirë.
I ftuar në emisionin ‘Opinion’, Hoxha deklaron se ka pasur edhe një tjetër atentat ndaj tij, në muajin prill, por policia ka ndërhyrë, teksa shton se vrasësi i tij mund të jetë paguar me 300 mijë euro.
“Ekzekutorët që kanë qëlluar Santiago Malko, janë po ata që kanë qëlluan mbi Edison Harizaj. Janë vrasës profesionistë, me atë jetojnë. Ai që kryen një vrasje, paguhet për atë. Në rastin konkret, ky është një atentat dhe që dyshohet të jetë paguar 300 mijë euro, duhej me se s’bën të vritej. Është tentuar dhe në prill, por policia ka ndërhyrë”, tha analisti.
E ftuar në studio ishte edhe gazetarja Dorjana Bezat e cila u shpreh se krismat janë dëgjuar në të gjithë qytetin. Ajo shtoi se atentatorët kanë qëlluar në lëvizje dhe se ka pasur një skemë krimi të zgjeruar.
“Kur shkuam ne në vendngjarje aty ishte dhe automjeti i viktimës, një skemë mjaft e rëndë ishin mbërritja e familjareve të tij. Edhe policia e pati të vështirë menaxhimin e kësaj situate”, u shpreh gazetarja.
