Monika Kryemadhi ishte sot në një takim me banorët e prekur nga tërmeti i 26 nëntorit në Durrës, nga ku akuzoi qeverinë se projekti i rindërtimit është vetëm në 3D. Edhe sot ajo nuk ishte e pajisur me maskë. Policia në Durrës i ka kërkuar Kryemadhit që të vendosë maskën, por kjo e fundit ka refuzuar. Kjo ka detyruar policinë që t’i vendosë gjobën e dytë brenda dy ditëve, kryetares së LSI-së.
Polici: Keni shkelur aktin normativ, për mos vendosjen e maskës.
Kryemadhi: Unë jam Monika Kryemadhi, e bija e Ramazanit. 30 mijë lekëshi yt nuk është asgjë përballë kësaj zonje. I trajtojnë pa personalitet, kanë pagat më të ulëta në rajon.
Kryetarja e LSI-së, u përball me revoltën e qytetarëve, të cilët akuzuan Bashkinë e qytetit bregdetar dhe kryeministrin Edi Rama, se kanë një vit që nuk kanë marrë asnjë zgjidhje për shtëpitë e tyre.
“Nuk e kuptoj pse e zvarritën një vit këtë pallatin tonë. Se unë e di që kanë marrë ndihma shumë këta”, u shpreh një banore. “Se nuk kanë mundësi, para”, iu përgjigj Kryemadhi qytetares.
