Zëdhënësja e PD-së Ina Zhupa përmes një postimi ka përkujtuar 3 vjetorin e humbjes së jetës të Ardit Gjoklajt. Ndër të tjera ajo shkruan se sot bëhen 3 vite nga vrasja e Ardit Gjoklaj, por ende nuk ka asnjë fajtor. Përkundrazi sipas saj, se pas ngjarjes së rëndë, kryebashkiaku Veliaj ka mbushur me miliona firmën “Fusha sh.p.k”. Petrit Fusha ka qenë kreu i Prokurorisë së Tiranës, ndërsa në fillim të muajit prill ka dhënë dorëheqjen edhe si prokuror. Sipas Zhupës, Fusha e ka mbyllur dosjen e 17-vjeçarit pasi kishte miqësi me Veliajn. Ndërkohë që sipas saj ai është fajtori dhe drejtësia duhet të vepronte mbi kryetarin e bashkisë.
“Drejtuesi i Prokurorisë së Tiranës Petrit Fusha, asokohe drekonte në lokalet e Tiranës me Veliajn. Duke treguar qartë anshmërinë e tij në dhënien e drejtësisë. Dosja u mbyll pa fajtor! Veliaj shpëtoi!Ndërkohë pazarin e tyre e paguajmë nga buxheti jonë, me taksat tona pasurojmë Fusha shpk! Mos flisni për reformë në drejtësi kur vrasësi i Arditit është i lirë!”, shkruan Zhupa.
Postimi i plotë
Sot 3 vjet nga vrasja e Ardit Gjoklajt! Asnjë fajtor! Veliaj mbush me miliona Fusha sh.p.k dhe qëndron i paprekur në krye të Bashkisë.
Erion Veliaj me 16 Qershor 2016 vizitoj landfillin e Sharrës duke e promovuar si sukses kontraktimin e një kompanie nga Bashkia Tiranë që do të kryente riciklimin e mbetjeve, Veliaj gjithashtu premtoj që kushtet e punës janë të modernizuara dhe bëri thirrje për punësim të sa më shumë njerëzve në landfill .
Rreth 2 muaj më vonë me 7 Gusht 2016 Ardit Gjoklajt ju shkaktua vdekja nga një ekskavator i kompanisë gjatë punës në landfill, viktimës ju gjend veshur uniforma me mbishkrimet “Bashkia Tiranë”. Arditi ishte punësuar në impiantin e riciklimit me shpresën se do të mblidhte paratë e nevojshme për të blerë librat e shkollës, pa rënduar familjen . Familjarët e 17-vjeçarit të vdekur dhe punonjësit e kompanisë “3R” sh.p.k tregojnë se fëmijë, gra dhe burra u punësuan në shkelje të ligjit dhe u shfrytëzuan në mungesë të kushteve të punës dhe sigurisë në landfillin e administruar nga Bashkia e Tiranës.
Drejtuesi i Prokurorisë së Tiranës Petrit Fusha, asokohe drekonte në lokalet e Tiranës me Veliajn duke treguar qartë anshmërinë e tij në dhënien e drejtësië. Dosja u mbyll pa fajtor! Veliaj shpëtoi!Ndërkohë pazarin e tyre e paguajmë nga buxheti jonë, me taksat tona pasurojmë Fusha shpk! Mos flisni për reformë në drejtësi kur vrasësi i Arditit është i lirë! #drejtesipërArditin
Më 17 tetor të 2016 ekspertiza mjekoligjore, e administruar tashmë si provë në dosje, konfirmoi vdekjen e të riut, pas goditjes nga fadroma, e cila ishte duke punuar me pirgun e mbeturinave, më 7 gusht 2016.
