Bota po përballet me raste të shumta sa i takon të infektuarve me koronavirus. Fluksi është i madh, aq sa në shumë shtete po rishikohet edhe izolimi.
Autoritetet e Vietnamit do të evakuojnë 80 mijë njerëz, shumica turistë, nga qyteti i njohur Danang, pasi tre banorë dolën pozitivë me koronavirus. Lajmin në fjalë e ka përcjellë qeveria, duke njoftuar se procesi i evakuimit do të zgjasë së paku katër ditë dhe do të bëhet përmes linjave të brendshme ajrore me rreth 100 fluturime në ditë nga qyteti Danang në 11 qytete të tjera brenda vendit.
Ndryshe nga vendet e tjera, numri i të infektuarve ka shkuar në 420 raste dhe nuk ka humbur jetën asnjë person.
Vietnami ka vendosur masa të rrepta të karantinës, dhe ka kryer testime masive gjatë pandemisë, duke e mbajtur nën kontroll numrin e personave të infektuar.
