Ish-deputeti i PD-së, Kastriot Islami ka komentuar ‘vendimin’ e presidentit Meta, për të zhvilluar 3 palë zgjedhje në tetor, ato lokale, parlamentare dhe presidenciale.
I ftuar në studion e lajmeve në Ora News, Islami u shpreh se Presidenti nuk ka hapësirë kushtetuese që të shpallë datë për mbajtjen e zgjedhjeve të parakohshme parlamentare, por vetëm për ato lokale.
“Gjithë problemi që diskutojmë ne pavarësisht se opozita e ka thënë në një mënyrë më të fortë, ky është problemi i një njeriu. Pse duhet të mbajë peng një vend për një njeri. Ka dhënë dorëheqje Fatos Nano, Sali Berisha, Ilir Meta. Hapi rrugë, bëj zgjedhje po i fitove prap bravo të qoftë. Jo zgjedhje lokale, por zgjedhje të përgjithshme. 13 tetori është dekret për zgjedhje lokale. Ilir Meta nuk ka hapësirë kushtetuese për të shpallë ditë zgjedhjesh të përgjithshme akoma. Mund të shpallë zgjedhje të parakohshme nëse ka një mirëkuptim, ose do shpallë zgjedhje kur ti vijë kohë. Këto zgjedhjet e 13 tetorit, janë për zgjedhje lokale. Zgjedhjet lokale janë të përthyera. Edi Rama dëshiron që të bëhet siç bëri Erdogani në Stamboll. Erdogani në Stamboll mori dy goditje edhe humbje, edhe imazhin që nuk bën zgjedhje. Dhe tha po i përsëris. Po humb zgjedhje dhe po fitoj imazh. Dhe Rama është gati ta ndajë 32 me 31, apo 30 me 32, për të marrë imazhin që bën zgjedhje dhe të rrijë kryeministër”,u shpreh Islami.
