Tërmeti që u ndje në vend, shkaktoi frikë e po kështu një ndjenjë ankthi se sërish po kthehet situata si në nëntor. Por Rexhep Koçi, përgjegjës i qendrës së monitorimit, IGJEUM qetëson shqiptarët, duke thënë se nuk ka vend për panik.
Nga tërmeti i 26 nëntorit ka patur rreth 3000 pastërmete, por rreth 1100 kanë qenë me atë ndjeshmëri si ai që u ndje një ditë më parë.
“Magnituda e tërmetit të djeshëm ishte 4.2 dhe me intensitet rreth 5.5 ballë. Epiqendra ishte në fshatin Kuraten, të njësisë administrative Ishëm, në Durrës. Rreth 6 km në brendësi të tokës, jo në det”, shprehet Rexhep Koçi për ‘Top Channel’.
Ai shton më tej se kemi të bëjmë me një aktivitet pastërmetor, që pritet të zgjasë rreth 1 vit.
“Doja të theksoja, se kemi të bëjmë me një aktivitet pastërmetor, që pritet të zgjasë rreth 1 vit.
“Që nga tërmeti i 26 nëntorit ka patur rreth 3000 pastërmete, por rreth 1100 kanë qenë me atë ndjeshmëri, si ai dje. Dje na erdhën në sallë shumë telefonata nga njerëz të thjeshtë dhe media. Kjo pasi njerëzit janë shumë në ankth, nga tërmeti, epidemia dhe sërish tërmeti. Por ne u themi sot, që nuk ka vend për panik”.
