Më 26 dhjetor 2004 fundi i Oqeanit Indian, u drodh nga njëri prej tërmeteve më të fortë të regjistruar në histori. Me një magnitudë 9.1 ballë të shkallës Rihter, ai vlerësohet të ketë pasur energjinë e 23.000 bombave atomike si ajo që u hodh dikur në Hiroshima.
Lëvizja e dhunshme e pllakave tektonike, zhvendosi një sasi të madhe uji, duke krijuar një dallgë të madhe goditëse në çdo drejtim. Duke qenë se nuk kishte një sistem paralajmërimi, vendasit dhe turistët në Indonezi e panë dallgën që të vinte, por nuk dyshuan asgjë mbi atë që i priste.
Në pak minuta dallga rrafshoi rajonin e Banda Aceh, duke i marrë jetën mbi 100 mijë njerëzve. Cunami goditi 14 vende në total, duke udhëtuar mbi 4000 km, deri në brigjet e Afrikës Lindore. Kafshët u treguan më të zgjuara se njerëzit.
Pas tragjedisë, shumë të mbijetuarve iu kujtua se i panë kafshët të lëviznin drejt një terreni më të lartë disa minuta para se të vinte cunami. Katastrofa natyrore shkaktoi zyrtarisht 227.898 viktima, por ekspertë të pavarur thonë se numri real ishte mbi 300 mijë.
TIRANA TODAY
https://www.youtube.com/watch?v=A7K2yStzOmQ&ab_channel=MilesDouglas
