Avioni me 250 afganët e parë pritet të mbërrijë në aeroportin e Rinasit ditën e martë, ndërsa në vijim pritet të vijnë edhe të tjerë. Bëhet me dije se godinat nr. 24 dhe 25 që strehonin vajza tek Qyteti Studenti janë boshatisur, në pritje të shtetasve afganë, të cilët janë larguar nga vendlindja e tyre.
Mësohet se fillimisht vajzat që jetonin në këto godina nuk kanë pranuar të zhvendosen, por më pas punonjësit e Drejtorisë së Konvikteve e liruan godinën. Vajzat do të zhvendosen tek godina 27 dhe 28.
Pesë godina të Qytetit Studenti do të përdoren për strehimin e afganëve, që pritet të vijnë brenda kësaj jave në vendin tonë. Ndërkohë që për strehimin e tyre do të përdoren ambientet e godinave në Qytetin Studenti.
Bëhet fjalë për godinat 7-8, 24-25 dhe godinën 2 të cilat po boshatisen nga studentët, dhe do bëhen gati për të pritur emigrantët nga Afganistani.
Një pjesë e studentëve qe i kanë boshatisur dhomat, do akomodohen në konviktet e tjera. Ndërkohë që një pjesë ankohen se i kanë informuar me shumë vonesë, dhe nuk ju kanë gjetur zgjidhje për strehimin.
