Kryeministri Rama do të shfaqet në orën 21:00 në një dalje të paplanifikuar në emisionin ‘Përballë’ në TVSH, i cili transmetohet vetëm ditëve të marta, jo të mërkurave. Moderatori i programit, Lufti Dervishi, njofton në rrjetet sociale se Rama do të pyetet mbi zhvillimet e fundit politike në vend, duke përfshirë edhe ‘bombat’ e Bild-it, që do të dalin të enjten pasdite.
Statusi
Zgjedhjet dhe zgjidhjet e Kryeministrit!
Shqipërisë i është dhënë një afat tjetër për të hapur bisedimet me Bashkimin Evropian, në muajin tetor, por miqtë e avokatët Shqipërisë nuk e kanë të lehtë të kuptojnë vetë dhe jo më të bindin skeptikët se vendi është në shinat e sundimit të ligjit dhe meriton përkrahje për të ecur më shpejt përpara.
Me Presidentin që ka dekretuar anulimin e zgjedhjeve lokale të datës 30 qershor!
Me Parlamentin që ka nisur procedurat për të shkarkuar Presidentin!
Me zgjedhjet ku opozita ka zgjedhur të mos marrë pjesë dhe është betuar të pamundësojë mbajtjen e tyre!
Me kryetarin e opozitës që e kërkon Prokuroria!
Me protestuesit para zyrës së Kryeministrisë dhe sallës së Kuvendit!
Me përgjimet në Durrës dhe në Dibër, por që zbardhen nga Gjermania!
Kjo është kronika e ditës, sepse ajme kjo është agjenda politike e ditës.
Në fillim ishte opozita që doli jashtë sistemit.
Më pas Presidenti nxori sistemin jashtë sistemit.
Tani është kryeministri që rrezikon të mbetet vetë brenda, kur sistemi rrezikon të mbetet jashtë.
Të gjitha lëvizjet kanë një emërues të përbashkët: bëhen për të “mbrojtur sistemin”!
Mos vallë është koha kur urtësia na ka lënë të gjithëve jetimë?!!
Ndoshta kjo është dilema e madhe e shoqërisë, të cilën nuk ka dëshirë ta shtrojë kush për zgjidhje.
Derisa të vijmë te radha e dilemës mund të merremi e të shtrojmë pyetje:
Pyetja në mendjen e gjithsecilit është: cili është plani që ka kryeministri për 30 qershorin, dhe sidomos për periudhën pas 30 qershorit. Cili është plani që ka për zgjedhjet dhe sidomos për zgjidhjet?
Në një situatë normale, 10 ditë para mbylljes së fushatës do të flisnim për premtime dhe (mos)realizime. Por ky emision nuk është për fushatën, për kandidatët, për programin, për arritjet dhe dështimet as për shembujt e mirë apo të këqij të qeverisjes lokale apo qendrorë.
Biseda e sotme do të fokusohet te kriza politike.
#Përballë me kryeministrin Edi Rama! Sonte, ora 21.00, në RTSH 1.
Gazetari i “Bild” është shprehur në daljet mediatike se përgjimet do të kenë në fokus kryeministrin Rama, dhe do të jenë më të rënda se ato të publikuara të hënën.
Përmes një lëvizje të papritur, kryeministri Edi Rama deklaroi se do t’a padisë gazetarin Peter Tiede, për shpifje në gjykatat gjermane.
Gazetari gjerman i tabloidit “Bild”, Peter Tiede, reagoi përmes një postimi në llogarinë e tij në rrjetin social “Twitter”, lidhur me deklaratën e kryeministrit Edi Rama. Pas publikimit të 16 audio-përgjimeve mbi dosjen 184, kreu i qeverisë paralajmëroi se do ta padiste gazetarin në një gjykatë gjermane, me arsyetimin e drejtësisë së munguar.
Gazetari gjerman i kujton kreut të qeverisë shqiptare se në Shqipëri nuk punojnë gjykatat. “Zoti kryeministër, doni të më padisni? Për shkak se i kam bërë dëm madhërisë suaj apo pse? Përgjimet janë reale. Apo keni dyshime tek materiali i prokuroreve tuaj. Ne Shqiperi, nuk mund te me padisni, cila Gjykatë punon? Me vjen mire qe e pranoni ketë…”.
