Sot është një ditë historike për popullin e Kosovës, pasi shënon ditën që UÇK-ja filloi përplasjen frontale me pushtuesit serb.
Nën drejtimin e komandantit legjendar, Adem Jashari, Ushtria Çlirimtare e Kosovës sulmoi forcat e policsë serbe në Vojnik të Skëndërajt, 22 vite më parë, 25 nëntor 1997. Pas sulumit të UÇK-së, forcat serbe u tërhoqën me humbje, kjo shënon dhe fitoren e parë të forcave çlirimtare.
E menjëherëshme ishte kundërpërgjigjia e forcave serbe për disfatën. Pa zbardhur ende 26 nëntori, forca të shumta armike nisën një ekspeditë ndëshkimore me dhjetëra automjete të blinduara për në Vojnik.
Komandanti Adem Jashari ishte përgatitur për këtë lëvizje të armikut. Ai sëbashku me 10 luftëtarë u zuri pritë karvanit të blindave. Pas katër orësh luftime të rrepta, forcat armike u detyruan të tërhiqen me humbje.
Në tërheqje e sipër, forcat serbe qëlluan pa mëshirë këdo që hasnin rrugës. Vlen të përmendet rasti i mësuesit të vrarë Halit Geci, në fshatin Llaushë, në derë të shkollës. Ai u varros me një ceremoni të madhe më më 28 nëntor 1997.
Në ceremoni për të herë të parë dolën në tribunë edhe përfaqësues të UÇK-së.
