Mbrëmjen e sotme, Shefja e Epidemiologjisë në Institutin e Shëndetit Publik, Eugena Tomini deklaroi se Shqipëria pritet të nisë testimin e ri për COVID-19.
Tomini theksoi se shumë shpejt Shqipëria do të nisë testimet përmes një analize të gjakut për të parë antikorpet tek individët me imunitet të fortë dhe që mund të rikthehen në jetë normale pasi nuk janë të rrezikuar.
“Shumë shpejt dhe Shqipëria do të nisë testimet përmes një analize të gjakut për të parë antikorpet tek individët me imunitet të fortë dhe që mund të rikthehen në jetë normale pasi nuk janë të rrezikuar. Komiteti Teknik sapo ka miratuar paktin që dhe testimi cerologjik, me prezencën e IKGVE apo IGMVE, do të hyjë në vijim në QSUT dhe ndoshta që nga dita e nesërme ky proces do të jetë aktiv për të testuar të gjitha fashat ose grupet që janë të rriskuar apo që e kanë pasur në mënyrë asimptomatike”, tha Tomini në një lidhje me Skype për “Ilva Now”.
Detaje rreth procedimit ende nuk janë bërë publike, por pritet që rastet të përcaktohen nga mjekët e familjes, teksa kjo analizë mund të zbulojë dhe personat që e kanë kaluar COVID-19 pa simptoma.
Në Spitalin Infektiv aktualisht ndodhen 66 pacientë, 5 prej të cilëve në terapi intensive, ndërsa në spitalin COVID 2 ndodhen 7 pacientë, 6 prej të cilëve në terapi intensive.
Deri më tani në vendin tonë koronavirusi ka marrë 22 jetë njerëzish.
