Ish-kryetari i Gjykatës së Kasacionit sot Gjykata e Larte, Zef Brozi, e cilëson 21 janarin si një akt terrorist te shtetit ndaj qytetareve. Me anë të një statusi në “Facebook”, Brozi shkruan se në këto 7 vite janë sabotuar hetimet nga ish-kryeministri Sali Berisha, ndërsa prokuroria dhe gjykatat kanë mbrojtur urdhëruesit dhe vrasësit.
Ai bën thirrje kryeprokurores Arta Marku që të fillojë një hetim real për 21 janarin e 2011-ës dhe të krimeve të tjera të “peshqve të mëdhenj”. Kjo thirrje vjen në 7-vjetorin e vrasjes së katër protestuesve të opozitës në Bulevard
Postimi i plotë i Zef Brozit ne rrjetin social:
“Me 21 Janar 2011 shteti kreu aktin me te rende terrorist dhe me te pabese ndaj qytetareve te vet ne Tirane. 21 Janari 2018 shenon 7 vjetorin e mosndeshkimit te atyre qe urdheruan kete krim shteteror, shenon 7 vjetorin e sabotimit dhe pengimit te hetimeve nga kryeministri i 2011-es dhe mbrojtjen qe prokuroria e gjyqesori u bene deri me sot autoreve e urdheruesve te vrasjeve te 4 protestuesve.
Prandaj duhet pershpejtuar reforma ne drejtesi dhe duhet mbeshtetur maksimalisht Prokurorja e Pergjithshme Arta Marku, qe prokuroria te filloje hetimin real te terrorit te 21 Janarit 2011 dhe shume krimeve te tjera te “peshqve te medhenj””.
