Amerika është vendi i parë në botë që ka shënuar më shumë se 2000 viktima në 24 orë nga koronavirusi.
Sipas të dhënave zyrtare, përkatësisht 2,108 njerëz vdiqën gjatë 24 orëve të kaluara ndërsa në total regjistrohen rreth 501 mijë të infektuar dhe 18777 viktima.
Rreth 7100 vdekje ose 37 përqind e totalit, janë shënuar në zonën e New York-ut.
Kujtojmë se studiuesit parashikuan se numri i vdekjeve në SHBA do të arrinte kulmin e tij të premten, 10 prill, dhe pastaj gradualisht do të fillonte të bjerë, duke rënë në rreth 970 persona në ditë deri më 1 maj, ditën kur anëtarët e administratës Trump kanë parashikuar mundësinë e fillimit të rihapjes së ekonomisë.
Ekspertët e Shëndetësisë të Shtëpisë së Bardhë pohuan se shpërthimi i COVID-19 po fillon të nivelohet në të gjithë SHBA-në.
Mirëpo Dr Deborah Birx ka deklaruar se megjithëse të dhënat janë inkurajuese, ende nuk është arritur kulmi.
Ndërkohë Presidenti Donald Trump është shprehur se pret që Amerika të ketë një numër më të ulët vdekjesh.
