Pandemia e koronavirusit ka bërë që e gjithë bota të pësojë një rënie të thellë ekonomike, për shkak të masave kufizuese që janë ndërmarrë.
Vendi më i prekur mbetet SHBA, ku vetëm gjatë muajit prill kanë humbur vendin e punës më shumë se 20.5 milionë banorë.
Mirëpo, presidenti Trump ka bërë një premtim shumë të madh, duke i siguruar atyre që kanë humbur vendin e punës se do e fitojnë atë sërish. Sipas tij, viti që vjen do të jetë shumë i mirë për SHBA-në.
Premtimi i Trump vjen në prag të zgjedhjeve presidenciale të këtij viti. Në total janë 33 milionë amerikanë që kanë humbur vendet e punës, ndërsa brenda prillit humbi rritja e një dekade të tërë të SHBA.
Sipas mediave amerikane, një papunësi e tillë nuk ishte regjistruar që prej ‘Depresionit të Madh’ të fillim viteve ’30.
