Një aksident i rëndë me pasojë vdekjen ka ndodhur në mesditë në qytetin e Fierit. Sipas të dhënave të para një automjeti tip Benz ka përplasur për vdekje një burrë që po udhëtonte me motoçikletë në zonën e quajtur ‘Zogu i Zi’.
Burimet bëjnë me dije se shtetasi Petraq Shyqermeja mbërriti i pajetë në spital, ndërkohë që policia ka nisur hetimet për zbardhjen e shkakut të aksidentit.
Informacion paraprak
Sot rreth orës 14:00, në afërsi të vendit të quajtur “Zogu i zi” Fier, shtetasi P.Sh, 68 vjeç, banues në Fier, duke drejtuar motocikletën, është përplasur me automjetin tip “Benz”, që drejtohej nga shtetasi N.M, 19 vjeç, banues në Fier.
Si pasojë e përplasjes ka ndërruar jetë drejtuesi i motocikletës.
Drejtuesi i automjetit, shtetasi N.M u shoqërua në Komisariatin e Policisë Fier.
Grupi hetimor ndodhet në vendngjarje dhe po punon për sqarimin e plotë të kësaj ngjarje.