Kryetarja e LSI, Monika Kryemadhi, së bashku me anëtarët e Lëvizjes Rinore për Integrim, kanë zhvilluar sot një aktivitet me përgjegjësi sociale, ku kanë dhuruar gjak. Kjo është një ditë e shënuar, pasi LSI feston 15-vjetorin e themelimit.
Në një prononcim për mediat, ajo apeloi ndaj të gjithë shqiptarëve të dhurojnë gjak, duke theksuar se kjo jo vetëm është e shëndetshme për trupin, por edhe ndihmon të gjithë ata që kanë nevojë.
“Përgjegjësia jonë sociale duhet kthyer dhe në përgjegjësi politike. Sot në 15 vjetorin e LSI, falenderoj ata që dhurojnë gjak, dhe iu bëj thirrje të gjithë shqiptarëve të dhurojnë gjak, pasi është e shëndetshme edhe për trupin, por edhe ndihmojmë të gjithë ata që kanë nevojë”, tha Kryemadhi.
