Hedhja e gazit lotsjellës ka ndodhur në një kohë që protestuesit nuk ishin duke kryer veprime të dhunshme. Është ky reagimi i Partisë Demokratike, e cila akuzon Policinë e Shtetit për një ndërhyrje të panevojshme me gaz lotsjellës, duke lënduar qytetarët.
“Policia hedh gaz ndaj protestuesve dhe drejtuesve te opozitës në një moment krejtësisht të qetë, kur protestuesit nuk po kryenin asnjë veprim në rrugën para Parlamentit.
Gazi u hodh, ndërsa kryetari i PD, Lulzim Basha ishte duke folur për median në rruge, veprim i cili detyroi edhe Bashën dhe gazetaret që të ndërprisnin në mes intervistën.
Janë mbi 15 protestues të verifikuar aktualisht në protestë të plagosur ose me probleme të rënda me frymëmarrjen. Nga organizatoret e protestës raportohen edhe gazetarë”, thekson PD.
Ndërkohë që si pasojë e gazit lotsjellës, një gazetare e TV Tema ka humbur ndjenjat.
