Presidenti Ilir Meta ka uruar Kosovën me rastin e 12 vjetorit të shpalljes së Pavarësisë. Në ceremoninë e zhvilluar në ambientet e Ambasadës së Kosovës në Tiranë, Kreu i Shtetit u shpreh se tashmë ka ardhur koha që të zgjidhet problemi midis Kosovës dhe Serbisë. Sipas Metës, zgjidhja nuk është ndryshimi i kufijve. Meta deklaroi se që të normalizohen marrëdhëniet mes këtyre dy vendeve, duhet të këtë njohje të anasjelltë të shteteve fqinje.
“Pas kësaj ngjarje të rëndësishme, ne kemi një tjetër ngjarje të rëndësishme. Unë dua t’iu them se pavarësisht nga historia e paragjykimet, kam patur fatin të njoh një udhëheqës të madhe të Serbisë, Zoran Đinđić. Zgjidhja nuk është ndryshimi i kufijve.
Është koha që të zgjidhet problemi midis Kosovës dhe Serbisë. Që të normalizohen marrëdhëniet mes këtyre dy vendeve, duhet të këtë njohje të anasjelltë të shteteve fqinje. Nuk ka për të patur zgjidhje të qëndrueshme, duke menduar më pak shqiptarë në Serbi. Kjo do ta ndihmojë që të eci drejt BE-së. Suksese Republikës së Kosovës dhe të ardhmes sonë të përbashkët”, u shpreh Meta.
