Me rastin e 100 vjetorit të Kongresit të Lushnjes, Kryeministri në detyrë i Kosovës ka “shigjetuar” kryemintrin Rama me anë të një postimi.
Sipas Haradinaj, Kongresi i Lushnjes shënoi hapin vendimtar për bërjen e Shqipërisë. Për të, politikanët që morën pjesë në kongres duhet të shërbejnë si shembull për politikanët e Shqipërisë në ditët e sotme, duke “thumbuar” kryeministrin Rama.
Më herët, Haradinaj ka deklaruar se Rama ka ushtruar presion ndaj tij për heqjen e taksës ndaj Serbisë. Nga ana tjetër, përplasjet e tyre janë thelluar pas padisë së kryeministrit Rama për shpifje.
“Në fundjanarin e vitit 1920, Kongresi i Lushnjes, shënoi hapin vendimtar për bërjen e Shqipërisë.
Qeveria e dalë nga ai tubim kombëtar, ndaloi përgjithmonë copëtimin e mëtutjeshëm të shtetit shqiptar, hodhi themelet e ndërtimit të rendit kushtetues dhe zhvillimin e forcimin e shtetit.
Shembulli i burrave të mbledhur në Lushnjë, duhet të shërbejë për secilin pushtetarë, edhe në ditët e sotme. Kongresi i Lushnjes, me të drejtë vlerësohet si ngjarja më e rëndësishme për shqiptarët pas shpalljes së pavarësisë”, shkruan Haradinaj.
