Midis vendeve më të populluara nga turistët duhet të theksohet se ka edhe vende shumë të rrezikshme. Ja disa fakte të habitshme për disa vende shumë të njohura.
Barcelona, Spanjë
Barcelona njihet si kryeqytet i xhepistëve. Ka mijëra prej tyre dhe janë shumë të aftë. Shumica e vjedhjeve ndodhin në rrugën kryesore të qytetit: La Rambla. Madje ata mund t’ju vjedhin paratë ose gjërat në plazh, në transportin publik, madje edhe nga dhoma e hotelit. Bëj kujdes!
Kajro, Egjipt
Kajro është një qytet legjendar, dhe është një kontrast shumë i fortë me vendpushimet egjiptiane në drejtim të relaksimit.
Së pari, është një nga qytetet më të rrezikshme në botë për gratë.
Së dyti, situata politike është e rrezikshme dhe shpesh ka konflikte.
Së fundmi qindra njerëz do të përpiqen të mashtrojnë nëpër rrugë.
Pattaya, Tajlandë
Helmimi në ushqim ndodh shumë shpesh në Pattaya, një qytet shumë i ndotur, por ende i populluar. Ushqimi i detit është më i predispozuar të jetë i helmuar, ndonjëherë edhe mishi dhe sallata.
Vendasit hanë gjithçka me shumë erëza, të cilat i vrasin bakteret e rrezikshme. Turistët, i marrin ushqimet pa erëza. Si rezultat, ata shpesh helmohen. Për të qenë të sigurt, hani si vendasit.
Johannesburg, Afrika e Jugut
Afrika e Jugut është ka një natyrë mahnitëse, një vend ku 2 oqeane takohen. Por edhe këtu ka shumë probleme. Për një farë kohe popullsia e bardhë diskriminonte njerëzit e zinj. Tani është e kundërta: njerëzit e bardhë ngacmohen, veçanërisht në Johanesburg. Nëse jeni të bardhë, më mirë të udhëtoni me makinë ose taksi.
Napoli, Itali
Italianët thonë se Napoli është qyteti më italian nga të gjithë, dhe ndoshta pizza u shpik në Napoli. Megjithatë, qyteti ka qenë gjithmonë i rrezikshëm. Ka shumë njerëz që shfaqen papritur dhe ju vjedhin çantën ose aparatin. Edhe bizneset lokalë janë shumë të ndërlikuar: ata mund t’ju lajnë makinën dhe pastaj t’ju kërkojnë para.
Tijuana, Meksikë
Ky qytet ndodhet në kufirin mes SHBA-së dhe Meksikës, prandaj është një vend i populluar nga amerikanët që duan të kalojnë një fundjavë meksikane. Por në Tijuana nuk vijnë vetëm turistët. Ka edhe shumë të arratisur nga SHBA, dhe është gjithashtu një pikë tranziti për tregtarët e drogës. Pra ky është një vend shumë i rrezikshëm.
Mumbai, India
Çdo turist i cili vjen në Mumbai është gjithmonë i rrethuar nga një turmë lypësish që i shohin ata si kuleta në ecje. Disa prej tyre madje pretendojnë të jenë lypsa në mënyrë që të vjedhin diçka.
India është gjithashtu e njohur për numrin më të madh të sulmeve ndaj grave. Moti është shumë i nxehtë dhe mjedisi shumë i ndotur. Këto janë kushte të përsosura për helmim nga ushqimet ose marrjen e sëmundjeve.
Rio de Janeiro, Brazil
Santa Teresa, një nga qendrat e qytetit është shumë e rrezikshme, edhe pse nuk duket si e tillë. Ju nuk duhet të nxirrni telefonin ose aparatin këtu, pasi mund të sulmoheni nga disa individë që përdorin edhe thika.
Në fakt, është më mirë të mos ecësh në qendër të Rios natën. Dhe, sigurisht, mos shkoni në lagjet e qyetit pa një udhëzues.
Paris, Francë
Parisi romantik nuk është aq i sigurt sa duket, në të ka shumë hajdutë, shumë lypsa dhe shitës rrugësh që përpiqen t’ju shesin ndonjë gjë me çmim shumë të lartë. Gjëja më ë mirë që mund të bëni është të mos u flisni fare.
Dubai, Emiratet e Bashkuara Arabe
Megjithëse Dubai duket më perëndimor se qytetet e tjera myslimane, duhet të kujtoni kodin e veshjes nëse jeni femër. Për të mos u ngacmuar seksualisht mbulojini këmbët dhe krahët tuaja. Mos veproni në mënyrë provokuese. Nga ana tjetër, ju mund të relaksoheni në hotelin ku po pushoni, do të jeni krejtësisht të sigurt atje. (TIRANA TODAY)
