Liz Truss dha dorëheqjen si kryeministre pas 45 ditësh në detyrë, duke e bërë atë kryeministren me mandatin më të shkurtër në historinë e Mbretërisë së Bashkuar. Dorëheqja e saj vjen pas gjashtë javësh të trazuara në detyrë. Duke folur jashtë zyrës së kryeministrisë në Londër, ajo pranoi se nuk ishte në gjendje të mbante premtimet që kishte bërë gjatë fushatës për udhëheqëse të Partisë Konservatore, sepse humbi besimin e partisë së saj. Pas dorëheqjes së Lizz Trus nga post i i kryeministres, opozita në Mbretërinë e Bashkuar kërkon menjëherë zgjedhje të përgjithshme.
Dorëheqja e Truss vjen në një kohë kur sipas një sondazhi të kryer gjatë fundjavës, më shumë se gjysma e qytetarëve britanikë rezultoi se mendonin që ajo duhet të jepte dorëheqjen si kryeministre, dhe 80% e tyre fajësonin qeverinë për rritjen e kostos së jetesës. Situata ekonomike nuk ka qenë e mirë dhe këtë e tregojnë edhe të dhënat zyrtare. Inflacioni në Mbretërinë e Bashkuar arriti në nivelin më të lartë të 40 viteve këtë shtator, pas kostos në rritje të ushqimeve që nuk ishte parë që nga viti 1980.
10 kryeministrat europianë më jetëshkurtër në qeverisje.
- Magdalena Andersson – Suedi – 7.5 orë
- Albertas Simenas – Lituani – 3 ditë
- Andrey Lukanov – Bullgari – 22 ditë
- Ungureanu – Rumani – 89 ditë
- Aminatore Fanfani – Itali – 102 ditë
- Fatos Nano – Shqipëri – 103 ditë
- Albin Kurti – Kosovë – 121 ditë
- Bernard Cazeneuve – Francë – 161 ditë
- Paul Vanden Boeynants – Belgjikë – 165 ditë
- Dritan Abazoviç – Mali i Zi – 176 ditë
