Mediat braziliane kanë raportuar se një zyrtar i lartë brazilian i cili ka qenë me Presidentin amerikan Donald Trump në një darkë pak ditë më parë, ka rezultuar i infektuar me koronavirus.
Bëhet fjalë për Fábio Wajngarten, shefi i komunikimit i Presidentit Jair Bolsonaro i cili ishte në Mar-a-Lago, vendpushimi i Trump në Florida, si pjesë e delegacionit të qeverisë braziliane.
Thuhet se ndër personat që ishin në darkë të shtunën me zyrtarin brazilian, ishte edhe vajza e Presidentit Trump, Ivanka Trump dhe burri i saj, Jared Kushner.
Kujtojmë se që nga e enjtja, Brazili kishte të paktën 73 raste të konfirmuara të koronavirusit dhe më shumë se 930 raste të dyshuara.
