Zv.ndihmës sekretari amerikan i Shtetit, Hoyt Brian Yee, është në Tiranë për të zhvilluar përpjekjen e fundit për të arritur një marrëveshje politike mes mazhorancës dhe opozitës për zgjedhjet parlamentare.
Oraret e takimeve të Hoyt Brian Yee janë:
Zyrtari amerikan do të zhvillojë takim me kryeministrin Edi Rama në orën 10:30.
Më pas, në orën 11:30 është takimi me kreun e Kuvendit, Ilir Meta.
Ndërkohë që takimi i tij me kreun e demokratëve është planifikuar të mbahet në orën 14:45.
Rreth orës 17:00 pritet qe ai të takohet me deputetët e PD, Patozi dhe Bregu.
Zv.ndihmëssekretari amerikan i Shtetit, Hoyt Brian Yee, është në Tiranë me detyrën e negociatorit pas dështimit të negociatave që Rama e Basha zhvilluan me zv.presidentin e PPE-së, McAllister, më 24 prill.
Duket se zyrtari i lartë amerikan ka mesazhe të qarta nga SHBA për liderët politikë në Shqipëri për zgjidhjen e ngërçit politik. Mesazhet politike, zv.ndihmës sekretari amerikan i Shtetit i dha pa mbërritur në Tiranë. Gjatë fjalës së tij në forumin rajonal për siguri “2BS” në Budva të Malit të Zi, Yee u shpreh se ishte kundër çdo lloj bojkoti të institucioneve nga forcat politike.
