Trajneri serb i Kukësit, Mlladen Milinkoviç, nuk do të drejtojë më skuadrën e Kukësit. Lajmi është bërë i ditur nga vetë klubi verilindor, ndërsa mësohet se serbi i ka paraqitur dorëheqjen presidentit Safet Gjici. Ky i fundit e ka miratuar dhe e ka falënderuar teknikun për bashkëpunimin.
Por, kush pritet të zërë vendin e Milinkoviç?
Janë tre emra që po përfliten të marrin postin e trajnerit të Kukësit.
Armando Cungu mund të bëjë një rikthim tek Kukësi, teksa edhe më parë ka qenë në krye të pankinës, ku arriti të kalonte edhe plot 3 ture të Europa Ligës. Gjithashtu, Ivan Gvozdenoviç, zëvendës-trajneri aktual, ndihmësi i Milinkoviçit, përflitet si një emër i mundshëm për ta pasuar.
Emri i fundit është edhe ai i Miodrag Vukotiç, një ish-milanist, për të cilin gazeta “Panorama Sport” ka mësuar se ka pasur kontakte me të, pak ditë më parë.
