Komiteti Ekzekutiv i UEFA ka miratuar sot një propozim për të hequr rregullin e golave në fushën kundërshtare, duke nisur që nga sezoni futbollistik 2021/2022.
Ky rregull, ishte zbatuar për të përcaktuar fituesin, në rastet kur të dy ekipet kishin shënuar të njëjtin numër golash në total gjatë dy ndeshjeve. Në raste të tilla, ekipi i cili kishte shënuar numër më të lartë të golave në fushën kundërshtare, konsiderohej fitues.
Nëse të dyja ekipet kishin shënuar të njëjtin numër golash brenda dhe jashtë fushe në fund të kohës normale, do të luhej koha shtesë, e ndjekur nga nga penalltitë nëse nuk do të shënohej asnjë gol.
“Goli jashtë fushë nuk do të jetë më pjesë e kompeticioneve të UEFA-s në sezonin 2021-2022. Rastet kur të dyja skuadrat do të kenë numër të barabartë golash të shënuar, do t’i drejtohen minutave shtesë dhe më pas penalltive”, shkruan UEFA në Twitter.
The away goals rule will be removed from all UEFA club competitions from the 2021/22 season.
Ties in which the two teams score the same number of goals over the two legs will now have two 15-minute periods of extra time, and, if required, penalty kicks.#UCL #UWCL #UEL #UYL
— UEFA (@UEFA) June 24, 2021
