Në përditësimin e fundit, Ministria e Shëndetësisë njoftoi qytetarët se sot janë shënuar 29 raste të reja me koronavirus në vend. Nga këta, 20 janë në Tiranë, ku 13 i përkasin një vatre në një institucion të vuajtjes së dënimit.
Mes të prekurve është edhe një personel shëndetësor, e vetëizoluar në shtëpi. Janë testuar 240 persona të dyshuar me COVID-19, ku nga rezultatet e testimeve janë konfirmuar 29 raste pozitive me COVID-19, mes të cilëve një personel shëndetësor.
Në total janë testuar 6509 raste të dyshuara, dhe prej tyre janë të konfirmuar pozitivë me COVID-19, 663 raste. Gjatë 24 orëve të fundit, 29 pacientë të tjerë i janë shtuar listës së të shëruarve, duke e çuar numrin e të shëruarve nga COVID-19 në 385.
