Komiteti Teknik i Ekspertëve, duke vlerësuar situatën epidemiologjike në vend, ka marrë disa masa shtesë për parandalimin e përhapjes së infeksionit.
Në një deklaratë për mediat, drejtoresha e ISHP-së, Albana Fico tha janë 3 masat e reja të cilat do të hyjnë në fuqi.
Masat e reja janë:
1. Te ndalohen grumbullimet me më shumë se 10 persona në vende të hapura dhe të mbyllura.
2. Të ndalohen mbledhjet partiake dhe tubimet
3. Konferencat, ceremonite e festave, ceremonite martesore dhe organizimet pertëj familjare të ceremonive mortore, deri në një urdher te dytë.
Fico tha se numri i pacienteve në spitale ka pësuar rritje krahasuar nje javë më pare, por aktualisht 20-25% e kapaciteteve janë ende të lira në katër strukturat e dedikuara për trajtimin e rasteve.
Albana Fico: ”Numri total i rasteve aktive ka pësuar rritje në 504 për 100 mijë banorë. Numri i pacienteve në spitale ka pësuar rritje krahasuar nje jave me pare. Në tre spitalet covid jane shtruar 406 pacientë. Aktualisht rreth 20-25% e kapaciteteve janë ende të lira në katër strukturat e dedikuara për trajtimin e rasteve ndërkohë që skenarët e përfshirjes së spitaleve rajonale janë gati në momentin që do ketë ezaurim të katër spitaleve Covid. Terapitë intensive kanë një numër të qëndrueshëm të pacienteve në kujdes intensive.”
