Sezoni i ri i “Formula 1” do të nisë në fillim të korrikut, ku më datë 5 do të mbahet gara e parë në Austri.
Ky vendim u mor direkt pasi Ministria Austriake e Shëndetësisë dha “dritën jeshile” për zhvillimin e aktiviteteve sportive në vend.
Edhe gara e dytë e kampionatit do të mbahet në Austri, më datë 12 korrik. Ndërsa gara e tretë është planifikuar të mbahet në Hungari.
Sipas kalendarit të publikuar nga Formula 1, pas këtyre tre garave është programuar një pushim prej dy javësh. Më pas janë programuar 2 gara në Britaninë e Madhe, një në Spanjë, e më pas në Belgjikë e Itali.
Të gjitha garat do të zhvillohen me dyer të mbyllura, ndërsa pjesëmarrësit do të ndjekin rregullat e përcaktuara për minimizimin e përhapjes së koronavirusit.
