Zv. ministri i Infrastrukturës dhe Energjitikës, Artan Shkreli, me anë të një statusi në rrjetin social Facebook, vë në dukje se rënia e urës në Xhenova, është një thirrje e hapur për reflektim.
Ai shkruan kjo tragjedi mund të shmangej, falë një kontrolli dhe verifikimi, i cili është mjaft i domosdoshëm. Shkreli thotë ndër të tjera se kur bie një kryevepër e inxhinierisë italiane, e cila kur u ndërtua ishte e para në Evropë dhe e dyta në botë, tregon se asnjë konstruksion beton-arme nuk është i imunizuar nga të papritura fatale.
Në bazë të eksperiencës personale, ai sjell rastin edhe të Shqipërisë, me objekte të bëra 80-90 vjet më parë.
Pak më herët, mediat italiane kanë konfirmuar edhe një viktimë me origjinë nga Shqipëria, mes personave që humbën jetën në aksidentin tragjik.
Marjus Djerri, një 22-vjeçar i lindur në Itali, nga prindër emigrantë, po udhëtonte me makinë për në punë kur humbi jetën.
https://tiranatoday.com/tragjedia-ne-xhenova-mes-viktimave-nje-shqiptar-familjaret-po-shkonte-ne-pune-kur-u-shemb-ura/
Shkatërrimi është kolosal, ndërsa ende në vend vijojnë operacionet e kërkim-shpëtimit.
