Deri më datë 31 dhjetor, për bizneset nuk do të ketë ndryshim të çmimit të energjisë elektrike. Kjo është konfirmuar nga zv/Ministri i Financave Besart Kadia, i cili ka qënë i ftuar mbrëmjen e djeshme në “Top Story”. Ndër të tjera ai theksoi se ndryshe nga çfarë ka ndodhur në Kosovë apo në vendet e tjera, në Shqipëri nuk është menduar e as nuk do të ketë ndërprerje, pasi do të menaxhohet në mënyra të tjera. Besart Kadia u shpreh mjaft optimist se Shqipëria do e kalojë këtë krizë pa e ndjerë fare.
“Në vitin 2009, 4.3% e popullatës shpenzonin më shumë se 600kë. Lajmi i mirë është që Shqipëria nuk e ka ndjerë ndryshimin e energjisë që kanë ndjerë të gjithë vendet e tjera. Lajmi i mirë është sërish që Shqipëria nuk e ka rritur ende çmimin e energjisë për popullatën e gjerë. Në rast se do kishim ndryshim çmimi tek bizneset, inflacioni do të transmetohej direkt tek qytetarët, dhe i bën bizneset të mos falimentojnë. Deri më 31 dhjetor nuk do të ketë ndryshim çmimi tek bizneset. Mos t’ia rrisësh çmimin për një vit e gjysmë qytetarëve, kjo është diçka e mirë për qytetarët. Çdo familje e ka këtë gjë, ai që paguan paratë kur sheh një dritë ndezur shkon dhe e fik, e njëjta gjë duhet menduar edhe për shtetin. Ajo çfarë duhet të kuptojmë është se me të vërtetë ata që shpenzojnë më shumë janë 4% por harxhojnë sa 20% e qytetarëve. Ajo çfarë është e rëndësishme është se asnjëherë nuk është menduar është se çmimi është rritur 20 herë më shumë dhe për shembull në Kosovë është ndërprerë energjia. Është e sigurt që Shqipëria nuk do të ketë ndërprerje kurrë dhe do të menaxhohet në mënyra të tjera. Shqipëria do e kalojë këtë krizë pa e ndjerë fare, sepse kemi edhe burimet”, tha Besard Kadia.
