Ish-ministrja e Brendshme e Turqisë, Meral Aksener sfidon presidentin Recep Tajip Erdogan për zgjedhjet e 2019-ës.
Aksener ka themeluar një parti politike për të kandiduar përballë Erodgan në zgjedhjet e ardhshme presidenciale.
“Ne kemi shpresë dhe ëndrra… Ne kemi forcë. Ne dëshirojmë një Turqi të drejtë, duam një shoqëri të lirë”, deklaroi Aksener, e cila prezantoi dje në mëngjes kërkesën për regjistrimin e partisë në Ministrinë e Brendshme turke.
Mijëra mbështetës dhe anëtarë që kontribuan në krijimin e këtij formacioni të ri politik ishin të pranishëm në një sallë ku muret ishin dekoruar me një diell me ngjyrë të verdhë dhe blu, logoja e partisë si dhe portrete të themeluesit të Republikës Turke, Mustafa Kemal Ataturk.
