Shumë shtete po përjetojnë valën e dytë të pandemisë, e disa të tjera të tretën. Kosova çdo ditë e më shumë po përballet me shifra të frikshme të të infektuarve.
Ndodhur në këto kushte, Ministri i Shëndetësisë, Armend Zemaj është duke shqyrtuar marrjen e disa masave parandaluese.
Masa e parë që do të merret, është ndryshimi i orarit të punës të shumicës së bizneseve. Orari do të ndryshojë nga ora 21:00 që ishte deri më sot, në orën 18:00 deri në 05:00 të mëngjesit.
“Vendimi i ri ndalon veprimtarinë e subjekteve afariste, bizneseve, përveç furrave, barnatoreve dhe marketeve të vogla”, raporton Indeksonline.
Vendimi këtë fundjavë do të vlejë vetëm për komunat që janë në zonën e kuqe. Të hënën pritet që të shqyrtohen masat shtesë.
