Turqia dhe Shtetet e Bashkuara ranë dakord që të krijojnë një qendër të përbashkët operacioni në Turqi, me qëllim për të koordinuar dhe menaxhuar një zonë të sigurt në veri-lindje të Sirisë.
Kjo marrëveshje u arrit pas disa ditë bisedimesh, ndërsa pritet që ky vendim të minimizojë mundësinë e një ndërhyrje ushtarake turke në atë zonë.
Zona e propozuar synon të sigurojë një korridor që shtrihet në më shumë se 400 kilometra përgjatë kufirit verilindor të Sirisë me Turqinë, shumica e të cilit kontrollohet nga milicia kurde, e cila kishte mbështetjen e SHBA-së në luftën kundër militantëve të Shtetit Islamik.
Ankaraja e sheh këtë formacion kurd si terroristë, që paraqesin një kërcënim të madh të sigurisë, dhe ka kërkuar që Shtetet e Bashkuara të ndërpresin lidhjet e saj me të. Në tre vitet e fundit, Turqia ka dërguar dy herë forca e saj për të larguar luftëtarët kurdë dhe Shtetin Islamik nga kufiri.
Kujtojmë që mospajtimet zgjatën disa muaj, lidhur me atë se deri ku duhet të shtrihet zona e sigurt, dhe kush duhet të komandojë forcat që patrullojnë aty.
