Truri ka një anë të tij të pakujdesshme, një zonë relativisht e vogël dhe e fshehur që kontrollon pasionin e papritur dhe të shfrenuar për rrezikun, mbi të gjitha atë të lidhur me lojërat e fatit, sipas një studimi të publikuar në revistën shkencore “eNeuro”, të zhvilluar nga grupi i institutit të Biorobotikës në shkollën “Scuola Superiore Sant’Anna” në Piza, në bashkëpunim me Spitalin e Madh të Milanos si dhe me Politeknikumin e Lozanës.
“E dimë se në tru ka një rrjet të gjerë që është përgjegjës për vendimet që marrim dhe se ekzistojnë dy lloje të ndryshme mekanizmash që mundësojnë kryerjen e veprimeve. Një që kontrollon reagimet e shpejta, tjetra ato më reflektive”, shpjegon koordinatori e kërkimit, Alberto Mazzoni, i Institutit të Biorobotikës në shkollën “Scuola Superiore Sant’Anna”.
“Kjo dinamikë ishte vënë re prej kohësh nga psikologjët, por nuk ishte e qartë përse truri ndjek një model në vend të një tjetri. Përgjigjja erdhi nga të dhënat e fundit që kanë individualizuar strukturën përgjegjëse për këtë kalim nga një modalitet në tjetrin” theksoi Mazzoni, transmeton ata.
“Kjo zonë quhet bërthamë subtalamike dhe është një strukturë e vogël që ka formë lenteje. Është pikërisht për shkak të kësaj strukture që lojtarët e lojërave të fatit sillen në mënyre joracionale”, tha Mazzoni.
