Flakët e zjarrit kanë përfshirë një fabrikë të përpunimit të peshkut në superstradën Lezhë-Laç. Fatmirësisht nuk raportohet për të lënduar.
Mësohet se zjarri ka rënë rreth orës 06:00 të mëngjesit, në fabrikën ‘Eurofish’, me administrator Kujtim Shkrelin. Si pasojë e flakëve dhe tymit të dendur, është devijuar trafiku në qytet dhe në rrugë dytësore.
Ende nuk dihen shkaqet e rënies së zjarrit, teksa tymi ka mbuluar zonën, ndërsa zjarrfikësit po punojnë për të shuar flakët.
Blutë e Lezhës njoftojnë se nuk ka pasur persona të lënduar, por vetëm dëme materiale. Krahas forcave në Lezhë, është kërkuar edhe ndihma e zjarrëfikësve të Kurbinit.
Njoftimi i policisë:
Rreth orës 06:30, në dalje të qytetit të Lezhës, ka rënë zjarr në fabrikën e peshkut.
Nuk ka dëme në njerëz, vetëm dëme materiale.
Shërbimet e Policisë dhe të zjarrëfikses në vendngjarje, punojnë për shuarjen e flakëve.
Si pasojë e tymit është devijuar trafiku në qytet dhe në rrugë dytësore.
