Një zjarr i përmasave të mëdha, mësohet të ketë rënë në këto momente në afërsi të fabrikës së çimentos, në fshatin Zallë, në Fushë Krujë. Nga informacionet e para mësohet se zjarri mund të jetë i qëllimshëm, ndërsa disa banesa dhe një biznes aty pranë rrezikojnë të digjen.
Mësohet se zjarrfikëset kanë zbarkuar në terren dhe bashkë me ndihmën e banorëve të zonës po punojnë për shuarjen e vatrave. Flakët kanë mbuluar territorin shqiptar, gjatë kësaj jave, teksa zjarre të mëdha janë raportuar pothuajse në gjithë vendin.
Kujtojmë se mbrëmjen e djeshme, zjarri në Shëngjin iu afrua shumë banesave duke rrezikuar edhe banorët e zonës. Ndërsa, në zonën e Klosit, dëmet ishin më të mëdha, ku rreth 1 ha pisha u dogjën.
